Bizi euskaraz

Gabonetako Loteriaren Zozketa

2009-12-22T05:44:00.000-08:00

Kaixo!

Zorioneko daude gaur Madrilen. Izan ere,Gabonetako Loteriaren Zozketako sari potoloa,78.294zenbakiari egokitu zaiona, eta bigarren sari nagusia, 53.152 zenbakiari egokitutakoa, bertan saldu dituzte.

11:38an atera den sari nagusia, 3.000.000 milioi eurorekin saritua, Bravo Murillo kaleko 146. administrazioan saldu dute osorik eta bigarrena, milioi bat euro banatuko dituena, berriz, Getafeko 10 administrazioan.

10104 zenbakiak (500.000 euro serieko), hirugarren sariak, 80 milioi euro banatu ditu Bartzelonan. Madrilen, Kantabrian eta Asturiasen ere egokitu zaie.

Asturiasen, loterian gehien jokatzen duen lurraldean, 9,5 milioi euro tokatu zaizkie merkataritzagune bateko langileei.

Laugarren sarietako bat (serieko 200.000 euro) izan da goiztiarrena. 29.013 zenbakia, oso banatuta egon da eta Madrilen, Valentzian eta Bartzelonan saldu dute. Suertea lagun izan dute Katalunian; 69.393 laugarren saria Reuseko (Tarragona) 6. administrazioan saldu dute osorik.

77.607 zenbakia izan da lehen agertu den bosgarren saria, eta Lleidara eraman du zoriona.43.802bosgarren saria leku askotan saldu da; Mallorkan, Jaenen, Tarragonan, Madrilen, Zaragozan eta Asturiasen, besteak beste. Beste bosgarrena, 51.972 zenbakia, berriz, Madrilen, Getafen, 10 administrazioan, saldu da osorik.

Euskal Herrira bosgarren sariak

Euskal Herrian apurrak besterik ez dira jausi, orotara, lau milioi euro. 49.271, 06.679, 31.821 eta34.030 bosgarren sariak (serieko 50.000 euro banatzen dituzte bosgarren sariek) egokitu dira Bizkain, Araban eta Gipuzkoan. Oso banatuta egon direnez, diru gutxi ekarri dute.

49.271 zenbakiak saria utzi du Bizkaian. Hain justu, Sestaoko abenduak 25 kaleko 2. administrazioak eta Barakaldoko El Cano 20ko 7. administrazioak 49.271 zenbakiko billete bana (10 dezimo) saldu dute; alegia, 100.000 euro banatu dituzte. Biek hala biek leihatilan saldu dute saria. Estatuko 40 administraziok saldu dute zenbaki hori.

06.679 bosgarren sariaren zati bat Donostian egokitu da. Narrica 21 kaleko 8. administrazioak50.000 euro banatu ditu. Bartzelonan, Lugon, Sorian,Valentzian,Madrilen, Cuencan, Huescan eta Lugon ere saldu dute.

31.821 zenbakiak dirua utzi du Gasteizen. Zaramagako Boulevard merkataritzaguneko 20. administrazioak bosgarren sari horretako hiru milioi euro banatu ditu. Hain justu, 60 serie (600 dezimo) saldu dituzte.

34.030 zenbakia izan da zozketako azken zenbaki saritua. Bosgarren sari horren zati bat Donostian saldu dute, Narrica 21 kaleko 8. administrazioan eta 750.000 euro banatu dituzte.

ZENBAKI SARITUAK

Fitoren kontzertua BEC-en

2009-12-20T06:38:00.000-08:00

Kaixo

Atzo gauen Fito Cabrales eta bere taldearen kontzertua izan zen Barakaldoko Bec-en. Dena bete-beterik egon zen, 17000 pertsona inguru, eta bi ordu t'erdiko kontzertua eskaini zuen. Bere disko berriko abestiak jo zituen, hauen artean "antes de que cuente diez" eta baita aurreko diskoetako batzuk ere, adibidez, "soldadito marinero" eta "me equivocaria otra vez".

Gainera beste kontzertu bat egongo da abenduaren 21ean eta sarrerak salgai daude oraindik.

Maialen Lujanbio

2009-12-16T11:02:00.000-08:00

Maialen Lujanbio Zugasti (Hernani, Gipuzkoa, 1976ko azaroaren 26a) bertsolaria da. Arte Ederretan lizentziaduna da. 2009ko Bertsolari Txapelketa Nagusiko irazabalea.

Maialen Lujanbio izan da 2009ko Bertsolari Txapleketa Nagusiko irabazlea. Buruz burukoan, bera eta Amets Arzallus aritu dira, bi onenak, baina Maialen gailendu zaio. Lehen besarkada Arzallusek eman dio, baina bigarrena, nola ez, Andoni Egañak, pozik hau ere oholtzan galdu duelako txapela.

Sailkapenean horrela geratu da:

1. Maialen Lujanbio
2. Amets Arzallus
3. Jon Maia
4. Andoni Egaña
5. Unai Iturriaga
6. Sustrai Colina
7. Aitor Mendiluze
8. Aitor Sarriegi

Zorionak Maialen!!

Olentzeroren etxea

2009-12-15T09:42:00.000-08:00

Kaixo denoi.

Badakizue non dagoen Olentzeroren etxea? Eta zer egin dezakegu bertan? Gaur galdera hauei erantzungo diegu.

Izenaduba basoa Mungian dago eta berta dago Olentzeroren etxea. Emen bisita eder eta magiko bat egiteko aukera izango dute bisitariek eta gainera Olentzerok berak aurkestuta.

Gauza gehiago ere aurki ditzakezue bertan beraz emen uzten dizuet web helbidea:

http://izenaduba.com/izenaduba.html

Gainera nola heldu ez badakizue hona emen mapa:

Ver mapa más grande

Olentzero

2009-12-14T09:19:00.000-08:00

Kaixo!
Gaur ikazkin honi buruzko istorio bat kontatuko dizuegu.

Gure herrialdeko basoetan, jendeak ikusi ezin dituen izaki asko daude. Denak dira naturaren parte eta jendeak beraiei buruz istorio eta alegiak idatzi ditu. Orain kontatuko dizuedan istorio hau izaki hauetariko bati buruz da eta denok ezagutzen dugu.

Bazen behin, Euskal Herriko basoetan, bertan bizi zen maitagarri eder bat. Bere ilea eguzkia bezain horia zen eta begi distiratsuak zituen. Beste maitagarri guztiek bezala, pertsonak zaintzen zituen eta beti zegoen galtzagorriz inguratuta.

Egun baten, menditik paseatzen zihoala, ilea orrazteko geldialdi bat egin zuen iturri ondoan. Bat-batean galtzagorriek norbait ikusi zuten iratze artean mugitzen eta korrika joan ziren maitagarriari esatera. “Haurtxo bat da” esan zuen galtzagorri zaharrenak. Besteek ezin zuten sinestu eta maitagarriak isiltasuna apurtu zuen esanez “gaurtik aurrera zure izena Olentzero izango da eta maitasuna, adorea eta indarra oparituko dizkizut bizi izango zaren denborarako”. Orduan maitagarriak haurra hartu eta basoan zegoen etxe zahar batera eramango zuela esan zuen. Bertan gizon bat eta bere emaztea bizi ziren baina ez zeukaten seme-alabarik.

Goizean goiz, gizona etxetik irten zen behia jetzi behar zuelako eta ezustean haurra topatu zuen. “Maitea etorri hona! Begira zer dagoen hemen!” dei egin zion emazteari eta honek haurtxoa ikustean, begiak negar malkoz zituela bere senarra besarkatu zuen.

Horrela urteak pasatuz joan ziren eta Olentzero hazten joan zen. Familia zoriontsu bizi zen baina egun batean Olentzeroren aita eta ama hil egin ziren eta Olentzero bakarrik geratu zen, gero eta zaharrago eginez. Bakarrik bizitzean, pentsatu zuen jendea zoriontsu egin behar zuela horregatik, oso trebea baitzen eskulanetan, panpina ugari egin zituen eta herriko haurrei eman zizkien ikatza saltzera joan zenean. Oso pozik sentitu zen eta gehiagotan egitea erabaki zuen. Horrela urtero jaisten zen Olentzero herrietara, eta haurrei jostailuak eramaten zizkien.

Baina urte batetan, Olentzero oso zaharra zenean, bere bihotzak taupatzeari utzi zion. Herriko pertsonak oso triste jarri ziren, baina bat-batean argi distiratsu bat ikusi zuten. Olentzero aurkitu zuen maitagarria zen eta bere ondoan eseriz zera esan zion. “Olentzero, oso ona izan zara eta zure bizitzan gauza on asko egin dituzu. Gainera urtero jaisten zara herrietara haurrak zoriontsu izan daitezen eta hori oso pozgarria da. Gaurtik aurrera jostailuak egingo dituzu Euskal Herriko haur guztientzat”. Olentzerok begiak ireki eta eskerrak eman zizkion maitagarriari. Horrela Olentzero menditik jaisten da urtero eta opariak usten ditu gure etxeetan.

Bada euskaldunen artean esaera bat:

“Izena duen guztia...bada!”

Giza eskubideen nazioarteko eguna

2009-12-12T04:21:00.001-08:00

Kaixo!
Atzo giza eskubideen nazio arteko eguna zenez,
gaur argazki hau jartzea pentsatu dugu, eskubidee hauek pertsona guztiek dituztela gogoratzeko.
Jende askok ez ditu errespetatzen eta gure bizitzan beharrezkoak dira, pertsona bakoitzak bere eskubideak izan behar ditu.
Justizia eta berdintasuna lortzeko beharrezkoa delako pertsona bakoitzak eskubideak izatea eta edonork hauek errrespetatzea.

Tuenti euskeraz

2009-12-10T11:10:00.000-08:00

Pasaden asteko ostegunean Espainiako giza-sarerik ospetsuenak, Tuentik, sare hau euskeraz, katalanez eta gailegoz izateko aukera ahalbidetu zuen. Hau da, webguneko herramintak eta bezeroenganako arreta hizkuntza ofizial guztietara itzuliko ditu.

Tuentiko arduradunek "Se trata de una apuesta desde la red por lo local. Somos una herramienta de comunicación y por ello tenemos que ser relevantes en la cercanía" delakoa esan zuten, gutxi gora behera aldaketa honen zergatia azalduz. Pertsona bakoitzak bere hizkuntzak gauzak idazteko, irakurtzeko eta ikusteko eskubidea baitu.

Tuentik gutxi gorabehera hiru urte eta zazpi miloi erabiltzaile, hau da Comscore izeneko kontsultariak. Sail honetako gidaritza izateko burrukatzen da Facebook i,zeneko beste sare sozial batekin. Azkenengo honen erritmoa nahiako potentea da, 500.000 erabiltzaile berri baititu 45 egunetan.

Kuriositate moduan Tuenti izan da abuztuan trafiko gehien izan duen webgunea.

Popeye marinela

2009-12-10T11:03:00.000-08:00

Kaixo!

Denok dakigu nor den Popeye eta horrela ez bada nik esango dizuet. Popeye komiki eta marrazki bizidunetako pertsonai famatu bat da. Elzie Crisler Segarrek sortu zuen eta bere lehen komikia 1929an argitaratu zen.

Aurten, 115 urte bete dira idazle hau jaio zenetik eta guk berari buruz hitz egingo dugu jende gehiagok ezagutu dezan.

Elzie Crisler Segar 1894ko abenduaren 8an jaio zen. New York Journalen hasi zen Popeyeren komikiak argitaratzen eta gaur egun pila bat kapitulu ikus eta irakur ditzakegu.

2009-12-04T10:32:00.000-08:00

Kaixo!
Gaur Durangoko azokako ateak zabaldu dira.
Azoka honen historia pixka bat jarriko dugu, baita ordutegiak eta informazio gehiago ere.
Beraz hastera goaz,

Durangoko Euskal Liburu eta Disko Azoka

Azokaren historia

Durangoko lehenengo euskal liburu eta disko azoka 1965ean egin zen. Gerediaga Elkartea sortu berriak antolatu zuen lehen ekitaldietako bat izan zen. Helburua, frankismoaren diktadurapeko urte haietan, Euskal Herrian zegoen liburugintza eta diskogintzaren ekoizpena ezagutzera ematea. Helburu nagusia hori bazen ere, euskalgintzan jardunean zebiltzan sektoreen topalekua izatea ere lortu nahi zuten Gerediaga Elkartekoek.
Lehenengo Durangoko Euskal Liburu eta Disko Azoka Andra Mariko elizpean egin zen eta abenduan ezik, zemendiaren 1ean, Domu Santu egunez antolatu zen. Garai haietan Andra Mariko elizpean Durango eta inguruko baserritarren produktuen merkatua egiten zen larunbata goizetan. Inaugurazio ekitaldia larunbata izan zen eta azoka egunean ere merkatua egin zen. Merkatua amaituta, bizpahiru ordutan egin zen arratsalderako inaugurazio ekitaldirako muntaia guztia. 19 parte hartzaile izan zituen hasierako Azokak.

-Informazioa:

Non: Durangoko Landako Erakustazoka

Durangoko liburu eta musika azoka mapa handiago batean ikusi

Noiz: 2009ko abenduaren 4tik 8ra

Ordutegia: 10:30-20:00

-Diskoa edo liburua sinatu nahi?

Sar zaitez: http://www.durangokoazoka.com/news/1259920424 ra

-Durangoko Azoka - Agenda

Sar zaitez: http://www.durangokoazoka.com/agenda ra

2009-12-03T12:23:00.000-08:00

Kaixo!!

Gaur euskararen eguna denez, honi buruzko informazio pixka bat
eta abestiren bat jarriko ditugu.

Euskararen Nazioarteko Eguna

Jakinekoa denez, hainbat eta hainbat dira euskararen omenetan egiten diren ekitaldi eta jardunak. Horietako bat, guztietatik nabarmenena, Euskararen Nazioarteko Eguna da, urtero-urtero, abenduaren 3an, Xabierko Frantzisko deunaren egunez ospatzen dena.

Esandako ospakizuna ez da hutsetik abiatutakoa. Badu aurrekaririk. Ezagunak dira, besteak beste, Errepublika garaian Eusko Ikaskuntzak, Euskaltzaleak Bazkunak bitarte, antolatutako antzerti eta olerti egunak, bertsolari egunak eta antzerakoak. Aipatzekoak dira, bestalde, Espainiako Guda zibilaren ondorioz Iparraldera alde egin behar izandako euskaltzaleek zein bertokoek, elkar hartuta, Euskaltzaleen Biltzarraren babespean egindako lana. Sasoi horretakoa (1949) da, hain zuzen ere, Lehenengo Euskararen Eguna.

1995an, Euskal Herritik kanpora bizi diren euskaldunek egindako Lehen Mundu Biltzarrean eskatutakoa bere eginez, Eusko Jaurlaritzak eta Euskaltzaindiak elkar hartu zuten eta, ondorioz, Euskararen Nazioarteko Eguna instituzionalizatu. Geroztik, urtero-urtero, Erresuma Zaharreko santu euskaldunaren egunez, ospatu izan dute euskal erakundeek Euskararen Eguna. Lehendakariaren deiari jarraituz ehunka lagun batzen da eta gorazarre egiten die euskarari eta euskaldunei.

Euskararen Nazioarteko Egunerako Benito Lertxundiren abestia

Euskara giza ondarea da: komunikazio
eta batasunerako tresna.
Elkar ulertu eta giza helburu gorenera heltzeko beharrezko baliabidea.

Hizkuntzak leuntzen du animalia eta
gizon bilakatzen.
Berak bideratzen elkar laguntza giza
mailan gauzatzeko.
Zentzu horretan hedatzen da herri bakoitzaren beharretara.

Hizkuntza ispilu leiala da,
non kondairan zehar, herri baten
baldintza sozialak isladatzen diren.

Hizkuntzak jakinarazten dio belaunaldi bakoitzari oinarrizko kultura guztia.

Bere hizkuntzarekin hautsi duen herriak tradizioa du errausten eta arima epeltzen.

Hizkuntzak bere baitan, herri baten
mundua ulertzeko era gordetzen du, herritarrek hitzegiten dutenean.

Euskara, gure hizkuntza, giza ondarea da.

-Abestia:

http://www.euskomedia.org/MusicGaler/ene/benito.ram

-Bideoa ez dakit zergatik ezin dut igo, baina web-gune honetan jaitsi daiteke:

http://www.euskosare.org/ene/2006/index_html

HIESAREN NAZIO ARTEKO EGUNA

2009-12-01T06:36:00.000-08:00

Kaixo!

Gaur sidaren nazioarteko eguna denez
eitb web orrialdeko berri hau jartzea pentsatu dugu.

38 urteko gizonezkoa, hiesa duen pertsonaren soslaia

Otsaila eta urria bitartean 24.000 pertsonak egin dute 'test azkarra' farmazietan, "19 positibo baino izan ez direlarik", Rafael Bengoak azaldu duenez. Gaur egun, heriotza-tasa oso txikia da.

Gaur, abenduak 1, Hiesaren Kontrako Nazioarteko Eguna ospatzen da mundu osoan. Rafael Bengoa Eusko Jaurlaritzako Osasun sailburuak jakinarazi duenez, urtero 40 lagun hiltzen dira EAEn gaixotasun horrek jota. "Heriotza-tasa txikia da, sendagaietan eta txertoetan eman diren aurrerakuntzak direla medio", erantsi du.
Gaurko Nazioarteko Egunaren harira, Bengoak eta Daniel Zulaika Hiesaren Kontrolerako eta Prebentziorako Planaren koordinatzaileak gaitza horren aurkako kanpaina berria aurkeztu zuten atzo goizean.
Otsailetik, 'test arina' martxan jarri zutenetik, 24.000 lagunek egin dute Ihesaren froga farmazietan, Zulaikak baieztatu duenez. Horietatik 19k emaitza positiboa izan zuten. Europa mailan "interes handia" piztu du Euskadik eta Kataluniak 20 farmazia ezberdinetan martxan jarritako ekimenak, Zulaikaren hitzetan.
Kanpaina prebentzioan oinarritzen da, baita helduen artean hiesak izan ditzakeen arriskuari buruz informazioa ematean. Helduek hiesaren proba egin dezaten nahi du ekimenak. "Hiesa, askotan, gazteekin erlazionatzen dugu, baina, gaur egun, helduen artean transmititu egiten da", esan du Bengoak.
Egun, giza immunoeskasiaren birusak jotako kasuen herenak berandu antzematen dira, sistema immunitario oso kaltetuta dagoenean. "Pertsona horiek denbora luzez egon dira birusa dutela jakin gabe eta, ondorioz, prebentziorako neurriak hartu gabe", esan du Fernandezek.
Gaur egun, hiesa duen pertsonaren soslaia ez dago zertan drogarekin lotuta. Hain zuzen ere, 38 urteko pertsona bat da gaixoaren soslaia.
Kutsatuen artean, % 68 gizonezkoak dira eta % 32 emakumezkoak. % 48ak sexu harreman heterosexualak izan ostean hartu du gaitza; % 27ak sexu harreman homosexualak izan ostean; eta % 9ak xiringak konpartitzeagatik.
Kanpaina
Kanpainak herritarrak hiesaren azterketa egitera bultzatzea izango du helburu. Publizitate kanpainak bi asteko iraupena izango du eta inprimatutako euskarrietan nahiz autobus, tren eta metro geltokiak kartelez jantzita agertuko dira.
Nola ez, kartelak osasun zentroetan eta farmazietan ere egongo dira. Kanpainak 180.000 euroko kostea izango du.

Lauaxeta saria Jon Kortazarrentzat

2009-11-29T04:02:00.000-08:00

Kaixo denoi!

Badakigu laster Lauaxeta saria emango dela horregatik honi buruzko informazioa emango dizuegu.

Jon Kortazar idazlea eta literatura kritikariak jasoko du 2009ko Lauaxeta saria, euskararen normalizazioaren eta euskal kulturaren alde egindako lanagatik. Bizkaiko Foru Aldundiak ematen du urte-urtero saria eta bosgarren edizioa izango da aurtengoa.Aurten Jose Luis Bilbao diputatu nagusiak emango datorren abenduaren 2an, Euskararen Egunaren ospakizunaren aurreko egunean.

Jon Kortazar Uriarte (Mundaka 1955) Euskal Literaturan katedraduna da EHUn. Europako eta Amerikako hainbat unibertsitatetan irakasle lanetan ibili da mudakar idazlea, eta zenbait hedabidetarako egin ohi duen kolaborazio lanekin uztartzen du irakaskuntza jarduna.

Euskara da munduko hizkuntza zailena

2009-11-27T10:36:00.000-08:00

Kaixo!
Gaur orain dela gutxiko berri bati buruz hitz egingo dugu.
Berri hau ondorengoa da.

Euskara da munduko hizkuntza zailena, txinera, hungariarra, japoniarra edo errusiarraren gainetik, Britainia Handiko Gobernuak 23 herrialde ezberdinetako diplomatikoen artean egindako inkestaren arabera.
Leiophiles blog-ean inkestaren emaitzak argitaratu dituzte. Bertan, munduko hizkuntza sailenen zerrenda aurkeztu dute. Euskararen atzetik, hungariarra, txinera eta poloniera datoz.
Japoniera, errusiera, alemana, koreera, ingelesa eta swahilia ere zerrendan agertu dira. Britainia Handiko Kanpo Arazoetarako Ministroak iaz egindako txostenaren datuak dira.
Leiophiles blog ospetsuan hainbat iruzkin idatzi dituzte erabiltzaileek gai honen inguruan.

Aragazki hau jarri dugu euskeraz txikitatik dakigunok eskerrak eman behar ditugulako jende askorentzako euskera hizkuntza oso zaila delako eta guk orain dela askotik dakigulako.
Gainera argazkiaren leloa: "Esaidazu euskaraz da" eta horrek euskara sustatzeko eta ahal dugun guztietan hitz egitera bultzatzen gaitu.

Horrelako beste esaldi garrantzitsu bat ondorengoa da:

"Hizkuntza bat ez da galtzen
ez dakitenek ikasten ez dutelako,
dakitenek hitz egiten ez dutelako baizik."

(Joxean Artze)

Emakumeenganako indarkiaren kontrako eguna

2009-11-24T05:08:00.000-08:00

Kaixo!

Biharko emakumeenganako indarkiaren kontrako egunari hitz egingo dugu. Beste batetik , "Beldur Barik" izeneko kanpainari buruz hitz egingo dugu eta bere Eutsi abestiaren bideoklipa jarriko dugu, zuek ikusi ahal izateko.

Bilboko Udala, Eusko Jaurlaritza, Emakunde eta Eudel genero-indarkeriaren aurka zuzendutako kanpainari atxikitzen zaizkio, hurrengo azaroaren 25an, bihar.

Emakumeen aurkako indarkeria prebenitzearen alorrean, dagoeneko hiru kanpaina egin ditu Eudelek.

"Beldur barik/sin miedo" lelopean duen kanpainak, aurtengo ekimena prebentzioa oinarrituko du eta bere helburu nagusia gazteriarengana heltzea da, baliabideak eskaintzeko indarkeria matxista prebenitzeko eta horren aurka jarduteko.

Kanpaina horrek, udal eta erakundeen artean Euskadiko populazioaren %75 biltzen dituenak, bideoklip bat egin du, gazteenek era horretako indarkeriaren aurka duten ekimena islatzeko.

JAR EZAZUE ZUEN BOROBIL MOREA ETXEKO, LANEKO EDO KLASEKO LEHIOAN (click egin deskargatzeko)

Beldur barik (Eutsi- Beldur Barik klipa)

Umeen Nazioarteko eguna

2009-11-20T10:36:00.000-08:00

Gaur, 2009ko azaroaren 20a umeen giza eskubideak gailendu zirela 20 urte ospatzen dira.
Egun hauetan Bilboko kaleetatik gai honi lotutako kartelak ikusi ahal izan dira.

Gaur adibidez Bilboko udaletzeko balkoiean kartel handi bat egon da esekita, unifec eta umeen giza eskubideei lotutakoa.

Leku hauetan egin dira eginkizunak:

Ver Actividades UNICEF 20N en un mapa más grande

BERLINGO HARRESIA

2009-11-09T11:09:00.000-08:00

Kaixo,
gaur Berlingo Harresiari buruz hitz egingo dugu, nola eta zergatik eraiki zen eta aurten zer ospatu dugun.

Bigarren Mundu Gerraren ostean, Berlin Aliatu garaileek kontrolatutako lau sektoreetan banatu zen; Sobietar Batasunaren Armada Gorria, Estatu Batuak, Britania Handia eta Frantzia. Sobietar zatia zen nabarmen handiena eta hiriko ekialdeko zati osoa hartzen zuen bere gain.

Hasieran, Berlineko biztanleak aske mugi zaitezkeen lau sektoreen artean, baina Gerra Hotza hastean, mugimenduak mugatu ziren; bi Alemanien arteko muga 1952an itxi zen eta hau dela eta, Berlineko mendebaldeko zatia oso erakargarri egin zen AEDko biztanleentzat. 2,5 milioi alemaniar pasatu ziren ekialdetik mendebaldera 1949 eta 1961 artean.

1961eko abuztuaren 13an AEDko gobernuak hiru mendebaldeko sektoreak inguratuko lituzkeen harresi baten eraikuntza bururatu zitzaien. Aurrena arantzadun alanbre bat jarri zuten, baina berehala benetako harresi bat altxatu zen.

AEDko gobernuak "faxisten kontra babesteko harresi" bat zela esan zuten, mendebaldearen erasoak saiesteko helburua zuena. Berlineko alkate Willy Brandtek esan zuen arabera, Mendebaldeko Berlin "AEDren saihetseko arantza" zen, bere nazioaren bihotzean zegoen estatu atzerritar baten enklabe bat baitzen. Varsoviako ituneko gainentzeko estatu kideek bi Alemanien arteko lehia garaiko bi itun militar handien arteko lehiarekin parekatu zuten. AEDko buruzagiek harresiaren helburuetako bat emigrazioa eta garun ihesa saihestea zela onartu zuten.
Harresiaren bizitzan zehar 5.000 ihesaldi zenbatu ziren Mendebaldeko Berlinera; 192 pertsona hil ziren tiroz zeharkatu nahi izatean eta beste 200 zaurituak izan ziren. Sahiakera arrakastatxuen artean, 1964ko urriaren 3, 4 eta 5, mendebaldeko berlindar batzuek zulatutako 145 metroko tuneletik ihes egin zuten 57 pertsona. Porrotik entzutesuena Peter Fechterrena izan zen. Bere lagun Helmut Kulbeikekin batera harresia zeharkatzen saiatu zen, baina tiroz zauritua izan zen eta odolustuta hil zen mendebaldeko komunikabideen aurrean 1962ko abuztuaren 17an.

1989ko abuztuaren 23an, Hungariak Austriarekiko mugan zituen debekuak altxa zituen eta irailean 13.000 ekialdeko alemaniarrek Hungariara emigratu zuten. 1989an AEDko gobernuaren aurkako manifestazioak hasi ziren. Azaroaren 9an gobernuak ekialdeko alemaniarrei bidaiatzeko debekuak arindu zituen. Gaizkiulertu baten ondoren, Günter Schabowskik debeku guztiak erretiratuak izan zirela esan zuen prentsaren aurrean eta ehunka pertsona harresira joan ziren segituan, non zaindariek ateak ireki zituzten igarobidea ahalbidetuz. Alemania hurrengo urtean batu zen eta AED ohia Europar Batasuneko kide izatera pasatu zen.

2009ko azaroak 7

Alemandar ikasleek margotutako domino izugarria jarri dute Berlingo Harresiaren luzeeran. Hauetariko askok "herri bera gara" moduko mezuak zituzten. 1000 domino inguru jarri ziren 1.5 kilometrotan zehar eta banan banan jausten joan ziren ikusleek txalokatzen zuten bitartean. Lehenengo pieza bultzatu zuena Lech Walesa presidente ohia izan zen honek garrantzi handia izan baitzuen komunismoarekin amaitzeko mugimenduan.

"Barrio Sesamo"ren urtebetetzea

2009-11-04T11:28:00.000-08:00

Kaixoo!
Gaur interneten nabegatzen geundela ondorengo berri hau aurkitu dugu. Interesgarria eta jakiteko modukoa zela iruditu zaigu, horregatik hemen azpian jarri dugu.
Berri honek alaitasuna transmititzen digu, gainera haurtzaroan pasatzen genituen momentuak burura etortzea ahalbidetzen digu.

Bat, bi, hiru, lau, bost, sei, zazpi, zortzi... 'Barrio Sésamo"k 40 urte bete ditu

1969ko azaroaren 10ean Sesame Street-en lehen saioa igorri zen.
Zenbait eztabaida eta ikerketaren emaitza izan zen.
Jim Henson panpinen egilea izan zen.
37 denboraldi antenan eta 4.135 atal batzen ditu.

Tap, tap, tap, tap, tap. "Esto es cerca". Tap, tap, tap, tap, tap. "Esto es lejos"... delakoak oso ezagunak dira jende gehienaren artean. Barrio Sésamo belaunaldia da, orain 40 urte betetzen dituena.

Conde Dracorekin (Conde Contar Latinoamerikan) zenbatzen ikasi zuen belaunaldia da eta tunelak zeharkatzen zituen bolarekin abesti batek zenbakiak 1etik 12ra ritmikoki zenbatzen zituena.

Triquik benetan gailetak jaten edo botatzen bazituen galdetzen zuen belaunaldi bat.

Barrio Sesamoko kazetari berritsuena, Gustavo (René Latinoamerikan) izatearekin amesten zuena. Epi eta Blasen ahotsak imitatzen zituena.

Lehen esan dudan moduan, telesail famatu honek 40 urte betetzen ditu. Hobeto esanda azaroaren 10ean betetzen ditu, Sesame street-en lehen pasartea 1969ean igorri baitzen.

Gaur egun "Juega conmigo, Sésamo" izeneko formato berri batean, aro berrietara moldatua dagoena, estatu espainiarreko telebistan igortzen da.

Zuei momentu horiek gogoraraztea eta zuen gustokoa izatea espero dugu!

"Cantos de Ghana"

2009-11-03T12:59:00.000-08:00

MUSIKA / CD eskuzabala

Víctor Manuel, Tontxu, Inma Serrano eta Caco Senantek CD honetan parte hartzen dute batik bat.

Lehen aldiz abeslari talde espainiar bat, batu egin da, Inma Serranoren gidaritzapean "Cantos de Ghana" izeneko abesti album eta dvd bat argitaratu dituzte SED (GKE)ren laguntzaz, Ghanan (Afrika) eskola bat eraikitzeko. Eskola Kasoan, Accrako hiritik ordu batera eraikiko da.

-Solidaridad, Educación, Desarrollo (SED) garapenerako gobernuz kanpoko erakunde bat da, maristekin lotuta dagoena, bertan hezkuntza da instrumentu garrantzitsuena pobreziaren aurka lan egiteko Proiektu honetan parte hartu duten artistak guztiak hauek dira: Víctor Manuel, Tontxu, Caco Senante, Mai Meneses, Queco, Javier Álvarez y Tam Tam Go; proiektuko hau aurrera ateratzeko Saint Marcellin Champagnat, Kumasi (Ghanan) dagoen eskolako neska talde batek ere parte hartu du.

Guzti hau Inma Serrano Ghanara musika klase batzuk ematera joan zenean hasi zen. Saint Marcellin Champagnat eskolako neskek Cantos de Sirena izeneko Inmaren abestia abestu zioten afrikar erara.
Cantos de Ghana misioetan dagoen jendeari eta beraien bizitzaren zati bat beste batzuen bizitzak hobeagoak izaten saiatzen diren boluntarioei homenaldia da.

Horrelako gauzak dira gehien merezi dutenakk!

Asteriz eta Obelixen urrezko ezteiak

2009-10-30T11:24:00.000-07:00

2009ko urriaren 29an 50 urte bete dira Asteriz eta Obelixen komikia argitaratu zenetik.

Pilote aldizkarian agertu ziren lehenengo aldiz 1959an eta urte bat geroago "Asteriz el galo" albuma atera zuten. Paris ehun aldiz baino gehiagotan agertzen da beraien abenturetan eta Asterix eta Obelix harriturik geratzen ziren bertako trafikoa, kutsadura eta hiritarren penttsamendua ikusita. Hiri honetakoak ziren bi pertsonai hauen autoreak, André Uderzo eta René Goscinny.

Asterix oso txikia da, 1,20 metroko altuera du, eta aldiz sudur handia du. Ez dio beldurrik inori eta edozeinen aurka borrokatzen du. Erromatarrak dira bere etzai nagusiak. Obelix ordea oso potoloa da eta pixka bat leloa.

1977an Goscinny, abenturen idazlea, hil egin zen eta historiek zeukaten txispa galdu egin zen. Ordurarte 22 album argitaratuta zeuden, ehun hizkuntza baino gehiagotara itzulita eta 325 milioi ale salduta.

Oraindik baditugu gure artean bi pertsonai hauen komikiak eta seguru laster abentura berriak ekarriko dizkigutela.

2009Ko urriaren 29a

2009-10-29T11:55:00.000-07:00

Kaixoo!!
Aste honetan bi gauzari buruz hitz egingo dugu.
Hasteko Hallowenen noiz eta nola sortu zen eta jai horretan zer egiten den kontantuko dugu, larubatean hallowen gaua baita.
Ondoren The Simpsons izeneko telesail famatuari beruz hitz egingo dugu, orain dela gutxi 20.urteurrena bete du eta.

HALLOWEN

Halloween edo sorginen gaua, batez ere Estatu Batuetan ospatzen da Urriaren 31n. Jai honek celta Samhain kulturatik eta kristauen santu guztien egunetik du jatorria. Jai egun hau orain dela mende askotatik ospatzen da. Batzuk helburu erllijioso bat duela uste dute. 1840ko gosetean Irlandensek Ipar Ameriketara transmititu zituzten jai honen bertsioak . Halloween hitza All Hallow´s Eve (Santu Guztien Bezpera) adierazpen ingelesaren eratorpen bat da. Herrialde anglosajoietan ospetzen da, gehien bat Kanada, Estatu Batu, Irlanda eta Erresuma Batuan. EE.UU.etako kulturak duen indarrari esker beste herrialde batzuetara hedatu da. Egun hau laranja eta beltz koloreekin erlazionatzen da gehin bat. Hallowen-eko jarduera ezagunenak truku eta tratuarenak dira, hauetaz gain mozorro festak, suak, etxe sorginduetara bisitak, txantxak, beldurrezko historioak eta beldurrezko pelikulak ere badaude.

.

THE SIMPSONEN 20.URTEURRENA

Bideo honetan telesaila hasi baino lehenegako sarrera berria agertzen da.
Simpson familiak 20 urte bete ditu telesail hau hasi zenetik. 1987ko apirilaren 19an Tracey Ullmanen showan hasi ziren baina laster familia hau telesail bateko protagonista bihurtu zen. Homer, Marge, Bart, Lisa eta Maggie dira Matt Groeningek sortutako familia honetako kideak. Horain milaka jarraitzaile dituzte mundu osoan zehar eta agian horregatik iraun dute hainbeste. Marrazki hauek asko eraldatu dira hasi zirenetik. Horain, buru handiagoak dituzte eta Hommerrek ile gehiago. Denbora honetan zehar 330 kapitulu egin dituzte eta horaindik denbora luzerako dugula ematen du.

LEHENENGO SARRERA!!

2009-10-20T10:55:00.000-07:00

Kaixooo!!!
Gure asmoa blog interesgarri bat egitea da eta horretarako hainbat gairi buruzko berriak kontatuko ditugu: kirolak, euskal literatura, bidaiak, musika, filmeak... honetaz aparte gure eguneroko bizitzan gertatzen zaizkigun gauzei buruz eta baita ditugun arazoei buruz hitz egingo dugu.
Gaur orain dela gutxi estreinatu den film bati buruz hitz egingo dugu, baita Kirmen Uribek jaso duen saria buruz.

Film-a ZORION PERFEKTUA deitzen da eta bertako protagonista Anne Igarteburu da.
Urriaren 2an estreinatu zen.
Film honen laburpena hurrengoa da:

Ainhoa hogeita hamabost bat urteko emakume piano-jole bat da. Egunkaria irakurtzen ari zela albiste batek jota utziko du eta ez da konturatuko auto bat datorkiola gainera. Istripuak eragindako koma-egoeratik irten eta gero, eskuetako bat larriki zuritua daukala ohartzen da emakumea. Abaildura erabatekoa du, eskuaren egoerak bere bizitza guztiko ilusioa zapuztuko baitio: piano- karreraren arrakasta.

Hainbat naufragio sentimentalen ondoren eta istripua izan baino hilabete batzuk lehenago, Ainhoak Imanol ezagutu zuen, guarda pribatu bat. Mutila neskaren hutsune existentziala betetzen hasi zen, nahiz formazioz eta lanbidez ez izan Ainhoaren maila sozialekoa.

Horren guztiaren paraleloan, hogei urte lehenagoko Ainhoa ikusiko dugu: institutuko ikasketak eta pianoko klaseak burutzen ari den nerabe normal bat.

Arratsalde batez, etxerako bidean doala, ETAren atentatu baten lekukoa izango da eta horrek bizitza osorako markatuko du.

TRAILERRA

KIRMEN URIBE
BILBAO- NEW YORK- BILBAO

Kirmen Uribe idazle euskaldunak irabazi du 2009ko Espainiako Narratiba Saria. 'Bilbao-New York-Bilbao' eleberriagatik Kritikaren Narratiba saria eskuratu zuen 2008an kaleratutako liburu onena izan baita epaimahaiaren arabera. Gaztelaniaz zein Espainiako Estatuko beste hizkuntzetan idatzitako testuak saritzen dituzte. Bilbao-New York-Bilbao
euskeraz idatzita dago baina laster izango dugu eskuragarri gazteleraz.

Gure bloga zuen gustokoa izatea espero dugu!!!